Kwentong Kalsada

okay lang naman sa akin mag-taxi balikan, papasok at papauwi galing sa opisina, kaya lang mas mahal pa ang aabutin ng pamasahe ko kumpara sa arawang sweldo ng minimum wage earner ng bansa.

at masyadong mabilis rin ang taxi para ma-enjoy ko ang spectacles ng kalsadang ino-offer ng MMDA. at gustung-gusto ko naman talaga ang mga surprises na hindi mo aasahang makita mula sa ahensyang ito ng pamahalaan. parang kailangang laging lampasan ng bagong nakaupo ang kanilang predecessor.

BF started this with
BAWAL TUMAWID, NAKAMAMATAY.
kulay pink pa ito noon.

at ang tumakbo si BF bilang vice president, pinalitan siya ni MMDA Chairman Oscar Inocente, at tadah
BAWAL TUMAWID, MAY NAMATAY NA DITO.

at naisip ko na nga. ano ang isusunod dito nang bagong mauupong MMDA Chairman, sakaling tumakbo muli sa public office ang chairman nito:
BAWAL TUMAWID, MAY MULTO
awoooo!

ang larawang ito ay kuha sa Commonwealth Avenue, sa may Tandang Sora, malapit sa Index Salon. ngunit mababasa ito sa buong kahabaan ng nasabing kalsada. napapabalitang kumakalat na rin ito sa C5. kaya't hindi na ako magtataka kung magiging Haunted Roads na ang maraming kalsada sa Maynila!

Awooo.