ang bilis ng mga events ngayong election. hindi pa natatapos ang isang issue, another na agad ang papalit. mahihiya ang bakla sa call center na may mottong collect and collect and then aids.
niweis, ibalik ko lang ang issue ng mga party lists na alam naman nating hawak ng administrasyon at pag naupo na ay magsasabi nang Ayyy to confirm the judgment in favor of madang. so take note of that very particular issue and dont let go. at para matandaan natin ito, i-google ninyo ang listahan.
ang napansin ko lang sa list, ay hindi masyadong sure win ang approach at madaling pagbintangan. hello, very obvious naman na hindi security guard si Mikey Arroyo. sabi, inimbitahan daw siya ng mga sukyu, pero walang alam dito ang guard sa school namin nung elementary na si Mang Emil slush Emil Guard. dapat, sinama nila ako sa planning at makakapag-provide ako ng mga party lists na sure win at go for the go talaga! ito, lima pa lang.
Party List 1: 1-AABAA BAA
Ako Ay Babaeng Ako Ay Babaeng Astig Aalagwa
iyan, who cares kung kanino nagke-cater ito, ang mahalaga, siya ang number one sa listahan. at since may babae sa pangalan, may chance na iboto ito ng mga babae. at dahil dalawa ang babaeng nabanggit. baka madoble rin ang boto.
Party List 2: Partido ng Manggagaway
ang partido ng mga hindi naka-experience ng doctor
since hindi literatura ang mga mangkukulam sa pilipinas, but reality dahil ang doktor sa marami ay konsepto lang, tiyak, maraming marginalized individual ang boboto sa partidong ito. and of course, goal naman talaga ng pamahalaan na manatiling umaasa sa mga mangkukulam at faith healers ang mga pinoy lalo na sa kanayunan, dahil maging mga volunteers na nagseseminar para sa medical mission ay pinagbibintangang bad. teka, nabigyan na ng posisyon ang manikurista, ang kardinero, siguro meron ding personal zenaida zeba or madam rosa diyan na pwedeng humawak dito.
Party List 3: AAArabo
ang partido ng mga bumbay at umaasa sa 5-6
alam naman nating iilan lang ang nakakatanggap ng pondo mula sa gobyerno para magkapondo para sa sariling negosyo. nagkalat pa rin ang mga bumbay at ang mga umaasa sa kanila.
Party List 4: PresCon
ang Partido ng mga Preso at Ex-con.
kasama dito ang mga kriminal na nakakulong, ikukulong at nakalaya na. kasama rin dito ang mga takas slash, puga. kasama na rin dito ang mga nakakaiwas sa kulungan. marami silang pwedeng gawing representative ng partidong ito. kahit sino sa kanila ay pasok sa konsepto ng nakakaiwas sa preso. at huwag nang gawing issue na hindi makakaboto ang mga nakakulong, dahil in the first place, nasa presinto na sila! bwahahaha!
Party List 5: Anakpangit
ang partido ng mga anak ng pangit
basta anak ka at pangit. iboboto mo ito.
ang representative, si Luli.
No comments:
Post a Comment